Trupat e certifikimit luajnë një rol kyç në industrinë organike duke bërë të mundur respektimin e standardeve dhe rregulloreve të bujqësisë organike. Pse janë të rëndësishme trupat e certifikimit:
Sigurojnë besueshmërinë e produktit
Duke qenë të pavarura, trupat e certifikimit bëjnë verifikimin e tyre për prodhimin organik. Roli i tyre është vlerësimi dhe certifikimi i fermave, përpunuesve dhe shitësve për të siguruar përputhshmërinë me rregulloren e prodhimit organik (standardit). Kur një produkt ka certifikimin organik (logon e standardit) do të thotë që ai i është nënshtruar një proçesi kontrolli për të parë respektimin e rregullores në të gjitha hallkat e prodhimikt të produktit. Logo Organike që mundësohet nga certifikimi i lejon konusmatorët të kenë informacionin e duhur dhe të bëjnë zgjedhjet e tyre.
Zhvillimi i tregjeve dhe biznesi
Trupat e certifikimit luajnë një rol kryesor në mundësinë e prodhuesve për të shitur apo hyrë në tregje të reja. Nëpërmjet tyre vërtetohet cilësia e produktit në varësi dhe të standardeve që mund të kërkojnë tregjet, qofshin ato lokale apo eksportit. Certifikimi organik mundëson tregtinë e drejtë duke siguruar që brenda tregjeve organike produktet janë të certifikuara dhe prodhuara sipas të njëjtave standarde - duke ruajtur kështu integritetin e bujqësisë organike.
Përmirësimi i vazhdueshëm dhe risitë
Përveç funksionit bazë, trupat e certifikimit janë të përfshira në kërkimet e vazhdueshme lidhur me zhvillimin apo përmirësimin e standardeve organike. Ato janë në koherencë me gjetjet e studimeve të fundit në këtë fushë, prirjet e tregut dhe ato të industrisë globale, preferencat konsumatore – informacion i cili përdoret për të përshtatur dhe përmirësuar procesin e certifikimit. Të gjitha të mësipërmet kontribuojnë në ruajtjen e standardeve organike dhe promovimin e metodave miqësore me mjedisin.
| Certification Body | Contact and Address | Standards | Links |
|---|---|---|---|
| BioInspekta, Albinspekt | Irjana Gjana, Koldiana Balla E-mail: [email protected] | bi-OS (Standarti ekuivalent europian) ; NOP ; Bio Suisse dhe Ligji 106/2016 | www.bio-inspecta.al |
| Ecocert | Milana Kosanovic Tel: +381 (0) 11 454 22 82 E-mail: [email protected] | EOC, NOP, EU 2018/848, EE-ECOLAB | www.ecocert.com |
| CERES | Eva Maria Friedrich Head of Organic Department E-mail: [email protected] | Bio Suisse, COR Canada Organic, Eu organic, JAS, NOP, Bioland | www.ceres-cert.de |
| Bioagricert S.r.l. | Tel: +39.051.562158 Email: [email protected] | Organic standard according to UK regulation | www.bioagricert.org |
| A CERT European Organization for Certification S.A. | Tel: +302310210777 E-mail:[email protected] | For certification according to the UK standard | www.a-cert.org |
Më poshtë do të gjeni informacionin e nevojshëm për rastet kur konvertimi organik mund të përshpejtohet. Sipas ligjit dhe rregulloreve të disa standardeve ekzistojnë raste specifikë kur mund të kemi përjashtime sipas të cilave mund të reduktohet periudha e konvertimit organik për prodhimin apo përpunimin e produkteve.
Linqet për dokumentacionin e bazuar në ligjin shqiptar për prodhimin Bio dhe gjithashtu standardet e trupave të ndryshme certifikuese mund të gjenden më poshtë:
